كار و بيكاري
ديروز جمعه 1/5/89 شبكه يك تلويزيون «برنامه مستقيم آبادي» دله گزارش آقاي واحدي از روستاي گريوده در جنوب بندپي ره نشون هدا كه اونجه يك جوون به نام علي قنبرزاده طرح خوبي ره اجرا هاكرده كه در اون منطقه كوهستاني گل محمدي دكاشته و گلابگيري ره مثل شهر كاشان راه اندازي هاكرده تازه باريجه و بيد مشك هم دكاشته ونه اين جوون با همت جا خله تشكر هاكردن كه اتتا طرح جديد راه بدا كه هم شه مشغول به كار بيه هم چند تا جوون روستا ره مشغول به كار هاكرده كه اتتا درآمد دارن چارشاهي پول وسسه راه نكفن شه سره زندگي ول هاكنن بور شهر كنار هزار جور گرفتاري بكشن يا اينكه بعضي ها شه زن وجه ره هم شه همراه ورنه كه چي اينجه اما امكانات نارمي درآمد نارمي چتي بيه چتي نيه
اين جور كارها ونه مازندران دله انجام بوو اما تا كه خامي هرسيم تك بنگ هيريم مسئولين تك هاشيم كه وشون گنه اما «اش ره كشمي پلنگ ره دار كممي» اما راي كه بيتنه انقدر مشغول جناح بازي و سياسي كاري بونه كه اصلا ياد كننه مردم چتي بينه نمونه اش همين كارخانه خودرو سازي بابل هسسه كه من اتتا سايت دله بخونسمه كه كارخانه خودروسازي خراسان با كارخانه خودرو سازي بابل همزمان شروع به كار هاكردنه كه كارخانه خودروسازي خراسان نزديكه راه دكفه اما اينتا كارخانه هلا هيچ كاري انجام نييه كي ونه پيگير باشه خدا دوننه ضرر اين كار به حال مردم هسسه
از طرفي روستاها هم از نيروي كار خالي بيه اتتا روز اگر ادم اتتا كارگر خانه كه ونسه كار هاكنه اصلا پيدا نوونه زمينهاي كشاورزي روستاها در ول بوننه قديما زمين كه زارع دانه همه كار ره زارع كرده فقط زمين ارباب بيه محصول ره نصف كردنه الان ونه صاحاب زمين تلر بزنه نصف كارگر مز هاده اتتا كمه دستي هم زارع ره هاده ناهار روزهاي كارگري ره بياره اي زارع دكل پيدا نوونه نصف محصول ره بيره
مازندران دله اتتا جوون اگر بووه من بيكار هسمه به خصوص روستاهاي دله واقعا ونه كه اين ضرب المثل ره به كار بوردن كه «عروس بلد نيه برقصه گنه زمين تپه چاله دارنه» اگر همه جوونا بورن ميز پشت هنيشن كي ونه كارهاي ديگر ره انجام هاده واقعا ونه اتتا فكر هاكردن به اين موضوع با اين همه امكاناتي كه مازندران دارنه اما چه وسه اننه مشكلات دارمي
اين جور كارها ونه مازندران دله انجام بوو اما تا كه خامي هرسيم تك بنگ هيريم مسئولين تك هاشيم كه وشون گنه اما «اش ره كشمي پلنگ ره دار كممي» اما راي كه بيتنه انقدر مشغول جناح بازي و سياسي كاري بونه كه اصلا ياد كننه مردم چتي بينه نمونه اش همين كارخانه خودرو سازي بابل هسسه كه من اتتا سايت دله بخونسمه كه كارخانه خودروسازي خراسان با كارخانه خودرو سازي بابل همزمان شروع به كار هاكردنه كه كارخانه خودروسازي خراسان نزديكه راه دكفه اما اينتا كارخانه هلا هيچ كاري انجام نييه كي ونه پيگير باشه خدا دوننه ضرر اين كار به حال مردم هسسه
از طرفي روستاها هم از نيروي كار خالي بيه اتتا روز اگر ادم اتتا كارگر خانه كه ونسه كار هاكنه اصلا پيدا نوونه زمينهاي كشاورزي روستاها در ول بوننه قديما زمين كه زارع دانه همه كار ره زارع كرده فقط زمين ارباب بيه محصول ره نصف كردنه الان ونه صاحاب زمين تلر بزنه نصف كارگر مز هاده اتتا كمه دستي هم زارع ره هاده ناهار روزهاي كارگري ره بياره اي زارع دكل پيدا نوونه نصف محصول ره بيره
مازندران دله اتتا جوون اگر بووه من بيكار هسمه به خصوص روستاهاي دله واقعا ونه كه اين ضرب المثل ره به كار بوردن كه «عروس بلد نيه برقصه گنه زمين تپه چاله دارنه» اگر همه جوونا بورن ميز پشت هنيشن كي ونه كارهاي ديگر ره انجام هاده واقعا ونه اتتا فكر هاكردن به اين موضوع با اين همه امكاناتي كه مازندران دارنه اما چه وسه اننه مشكلات دارمي
+ بنویشت بییه در شنبه دوم مرداد 1389ساعت 10:14 توسط علی پریجایی
|
